Gid pou Konnen Antesedan Medikal Fanmi Ou

Antesedan medikal fanmi ou se yon lis pwoblèm sante moun nan fanmi ou genyen. Epitou, li gen ladan l lòt enfòmasyon sou ou menm ak fanmi ou yo, tankou:

• Ras ak orijin etnik ou.
• Kote ou rete.
• Sa ou fè kòm travay.
• Abitid ki kapab chanje sante ou.

Jèn ou yo ak aktivite w fè chak jou afekte sante ou. Antesedan medikal fanmi ou kapab fè w dekouvri pwoblèm sante ou ka eritye (pwoblèm paran w yo transmèt ou). Men sa li endike:

• Kote fanmi w soti.
• Fason fanmi ou viv, travay, ak jwe.

Pa egzanp, si w soti nan yon ras Juif Achkenaz, gendwa gen chanjman ki fèt (mitasyon oswa varyant) nan jèn BRCA a. Sa kapab ogmante risk pou genyen kèk kansè, tankou kansè tete, kansè pwostat, kansè nan pankreyas, ak kansè nan ovè.

Lè ou konnen antesedan medikal fanmi ou, sa kapab ede w rete an sante! Se yon mwayen pou konnen risk ou genyen pou gen pwoblèm sante. Gen kèk pwoblèm sante se paran ki transmèt yo bay pitit yo. Gen lòt ki kapab gen rapò ak bagay ou pataje avèk fanmi ou yo, tankou manje ou manje ak kote ou rete.

Lè ou konnen antesedan medikal fanmi w, ou ka deside mennen yon mòdvi ki pi bon pou sante ou.

Si ou pa konnen fanmi ou, kòmanse fè antesedan medikal fanmi ou avèk tèt ou. Ou kapab mete enfòmasyon ki manke yo ofiyamezi w ap jwenn plis enfòmasyon avèk tan k ap pase. Kontakte moun ou konnen yo. Si ou se timoun yo te adopte, li enpòtan pou w jwenn enfòmasyon sou sante paran byolojik ou yo. Pale avèk paran adoptif ou yo oswa kontakte ajans yo te travay avèk li a.

Men kèk fason pou w jwenn enfòmasyon si ou pa konnen fanmi ou:

• Fè rechèch sou entènèt avèk yon sitwèb jeneyaloji, achiv bibliyotèk ki nan zòn ou an, oswa Achiv Nasyonal. Ou kapab jwenn done resansman, atik jounal, anons nesans, ak anons lanmò.
  • Ou ka bezwen èd pou w jwenn enfòmasyon ki fyab sou entènèt. Nou genyen resous sa a ki disponib pou ede w.
• Ale nan biwo gouvènman yo ki nan Eta oswa zòn kote w ap viv la pou mande wè rejis eta sivil yo. Batistè, ak maryaj, epi ak desè yo tout se rejis eta sivil.

Mande fanmi yo si yo pa t janm fè yo konnen yo te soufri youn nan pwoblèm sante sa yo:

Fanmi yo pataje kèk jèn ansanm, men yo pataje kèk anviwònman, abitid, ak mòdvi ki sanble. Lè w konnen faktè sa yo, sa kapab ba ou kèk ide ki pou ede w konnen pwoblèm sante ou kapab pran nan men yo. Epitou, yo kapab afekte sante ak byennèt fanmi ou. Men yon lis faktè ki enpòtan pou konnen antesedan medikal fanmi ou:

• Peyi oswa rejyon kote fanmi ou yo soti.
• Kote yo te viv (gran vil ak ti vil).
• Abitid manje ak rejim.
• Djòb ak kalite travay.
• Si yo abitye fimen oswa konsome lòt fòm tabak.
• Si yo abitye konsome alkòl oswa dwòg.

Apre ou fin pale avèk fanmi w yo, ou kapab rasanble tout enfòmasyon yo gras ak fèy travay nou an.

• Ekri non tout fanmi ou konnen ak fanmi ou te vin gen enfòmasyon sou yo.
• Note sèlman pwoblèm sante fanmi ki gen lyen parantay ak ou yo genyen.
• Pa mete pwoblèm sante fanmi ki gen lyen maryaj, lyen adopsyon ak ou yo, ni fanmi ki chwazi w la.
  • Pa egzanp, si w gen yon manman adoptif ak yon manman byolojik nan ras ou, ekri sèlman pwoblèm sante manman byolojik ou a.
• Pou tout fanmi ou genyen sou lis ou a (ki gen lyen parantay epi ki pa genyen), ekri tout faktè ki gen rapò ak mòdvi ou te dekouvri apre w te fin pale avèk yo.
• Lè w fini, konsève antesedan medikal fanmi w lan yon kote ki an sekirite pou kapab pataje li avèk pwofesyonèl swen sante w yo, pitit ou yo, ak lòt fanmi yo.